[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حاولت اجامل واترك كل شئ بمجـراه=لكن مايفيد الى برزت بيـن الصفوفـي
الصدق نور في يـوم الاهـوال منجـاه=والكذب شين وحبله قصيـر الطروفـي
والحقد نارعلى اللـي بالجـوف يكمـاه=يجرح قلبه اشدمـن جـرح السيوفـي
ياللـي تقـول العلـم كمـل مـزايـاه=من بدى بالعلـم عليـه بالعلـم يوفـي
درب الحرام يالعبـد لاتحـوم حويـلاه=لاقربت الدرب تصير للدرب امشغوفي
ودك انك تسـج بـه رجلـك وتاطـاه=وابليـس يوعـد ولـه بالوعـد يوفـي
من خاف ربه في ساعة الضيـق نجـاه=يسلك طريق الحق والمصير معروفـي
ولوشفت بالشخص عيب لاتشمت بطرياه=لابدمايتعافى وتصير بالعيـب محذوفـي
خلك عن هرج القفى واقصـر إخطـاه=ومن حكى معك بالناس حكى فيك طوفي
واذاشفت رفيك بالخطا انصحه لاتناساه=بينك وبينه لاتنصحه والخلايق وقوفـي
والجودتاج الفتـى مـن حيـن منشـاه=والناس من فعل الفتى تعطيه الوصوفي
امـا كريـم طويلتـن بالـمـد يمـنـاه=والا بخيل عن درب الكرامه زحوفـي
والضيف باشره بالترحيب حيـن ملفـاه=والجـار ابسـط لـه جميـع الكفوفـي
لابدمايـوم عـنـك الـوقـت ينـحـاه=ويسولـف بماسمـع وعينـه تشوفـي
وهذا ماقالـه ابوربـاح والقـاف غنـاه=والعذرلوبالقـاف ماجملـن الحروفـي
وصـلاة ربـي عدمزنـن دفـق مـاه=على نبي الهـدى بالصـدق معروفـي [/poem]
[align=center]صالح بن عيد أبورباح العطوي[/align]